Манай цахим хуудсанд морилон саатаж буй эрхэм танд “Базура Констракшн” ХХК-ийн хамт олны өмнөөс мэндчилж байна.

Манай компани нь барилга угсралт, барилгын материал үйлдвэрлэл, хэв хашмалын түрээсийн чиглэлээр үйл ажиллагаагаа явуулж байна. Бид салбартаа мэргэжлийн ёс зүйтэй, чадварлаг багийг бүрдүүлэн зах зээлийн өрсөлдөөнд хамтын хүчээр байр сууриа улам бэхжүүлж, төлөвлөгөөт ажлуудаа амжилттай хэрэгжүүлэн ажиллаж байна.

Бид хэрэглэгчид, захиалагчдын эрэлт хэрэгцээнд тулгуурлан орчин үеийн, чанар технологийн шаардлагад бүрэн нийцсэн дээд зэргийн тав тух сайтай төслийг гүйцэтгэхийг зорьж ажиллахын зэрэгцээ барилга угсралтын салбарт зураг төслийн шатнаас нь эхлэн ажилчид болон туслан гүйцэтгэгч нарынхаа хөдөлмөрийн аюулгүй ажиллагаа эрүүл ахуйн шаардлагад ихээхэн анхаарал хандуулдаг билээ.

Бидний цаашдын хамтын ажиллагаа улам өргөжин бэхжиж мянга мянган гэр бүлийн гал голомтоо бадраах бүтээн байгуулалтыг сүндэрлүүлэхийн төлөө хамтдаа зүтгэн цаашид Монгол улсын хөгжил цэцэглэлтийн түүхэн цаг үетэй хөл нийлүүлэн үйл ажиллагааны чиглэлээ өргөжүүлэн, бизнесийн цар хүрээгээ тэлэх зорилт тавин ажиллаж байна. Бидний амжилтыг хамтдаа бүтээлцэж байгаа нийт харилцагч, түншүүддээ чин сэтгэлээсээ талархал илэрхийлье.

Санасан бүхэн тань сэтгэчлэн бүтэх болтугай.

Гүнээ хүндэтгэсэн:

ГҮЙЦЭТГЭХ ЗАХИРАЛ                    Ц.БАТЗАЯА