“Базура Констракшн” ХХК-нь өнөөгийн байдлаар 30 гаруй ажилтантайгаар үйл ажиллагаагаа явуулж байна. Бид дадлага туршлага бүхий зөвлөх болон мэргэшсэн инженер, архитекторуудаас бүрдсэн хамт залуу чадварлаг хамт олон юм. Инженер техникийн ажилтнуудыг зөвлөх болон мэргэшсэн инженерийн сургалтанд хамруулж мэргэшүүлэх, иргэдийг сонгон шалгаруулж, сургаж дадлагажуулахад анхаарч ажиллаж байна.
Бид салбар бүртээ манлайлагч чадварлаг мэргэжилтнүүдийг сонгон авч ажиллуулах хүсэл сонирхолтой байдаг ба ажилд орох хүсэлт гаргасан иргэн бүрт адил, тэгш боломжийг олгож ажилтанг сонгон шалгаруулах үйл явц нь шударга, ил тод НЭЭЛТТЭЙ бодлогыг баримтлан ажиллаж байна.
Компанийн бизнесийн амжилтыг тодорхойлох гол хүчин зүйлийн нэг нь хүний нөөц юм. Хүний нөөц нь байгууллагын бусад нөөцүүдийг бодвол баялаг, үйл ажиллагаанд оролцохын хирээр улам бүр хөгжин дэвжиж байдаг бөгөөд ажилтан бүрийн авъяас чадвар, нөөц боломжийг нээн илрүүлж хөгжүүлэх, тэдний санаачлагыг дэмжих, урамшуулах, зорилгоо хэрэгжүүлэх эрмэлзэл төрүүлэх, дэмжлэг үзүүлэх, орчин бүрдүүлэхэд хүний нөөцийн менежментийн гол зорилго чиглэдэг.